Елена қыз

Тұрмағамбет ауылында ауылдық клуб үйінде Жаңа жылдық "Бал-маскарад" кеші болып өтті. Бал-маскарад кешін ауыл әкімі Б.Байбарақов ашып, ауыл тұрғындарын Жаңа жыл мерекесімен құттықтады. Одан кейін сөз кезегі аудандық мәслихат депутаты, Тұрмағамбет ЖШС директоры Н.Пірмантаев Жаңа жыл мерекесімен құттықтап ақ тілегін айтты. Биылғы "Бал-маскарад" кешінің ерекшелігі Қазақстанның Еңбек сіңірген әншісі, сазгер Елена Әбдіхалықова келіп ауыл тұрғындарын Жаңа жыл мерекесімен құттықтап әннен шашу шашты.

Елена апайымыз сахнадан түсіп ауыл тұрғындарына ерекше ілтипат білдіріп әр қайсысымен амандасып ортаға шығып би билеп, халыққа көтеріңкі көңіл күй сыйлады. Бұдан кейін сөз алған жергілікті ақын Қазақстан журналистер одағының мүшесі Ү.Өндібаева "Елена қызға" деген арнап жазған өлеңін оқыды. Елена әншіге ауыл ардагерлер кеңесінің төрағасы Н.Зауытов ауыл тұрғындарының атынан ақ батасын берді. Бал-маскарад кеші жастардың ойын сауығымен жалғасты.