ШЫНЫҚСАҢ ШЫМЫР БОЛАСЫҢ
Бүгін "Сардарбек" балабақшасында Гүлдей Дәлібекова, Бағжан Танқыбаева тәрбиешілердің ұйымдастыруымен "Еркетай" ортаңғы тобында "Шынықсаң шымыр боласың" атты сауықтыру-шынықтыру шарасы өтті. Шараға кішкентай балақайлармен бірге СӨСҚО маманы Ақтолқын Нұрмағанбетова мен балабақша тәрбиешілері қатысты. - Адам денсаулығының мықты болуы - тікелей адамға байланысты. Ал саламатты өмір салтын дұрыс ұстауды бала кезден қалыптастырған жөн. Себебі, енді ғана дамып келе жатқан баланы спортқа, жаттығуларға, дұрыс тамақтану нормасына машықтандырса ол балада ерте кезден-ақ тез қалыптасады, - деді Ақтолқын Нұрмағанбетова.
Жалпы шараның мақсаты - балаларға дұрыс тамақтануды үйрету, саламатты өмір салтын ұстануды, басты байлық - денсаулық екенін ұғындыру.
Айнұр ӘЛИ.
