«Бір ел –бір кітап» акциясы
Көмекбаев ауылдық кітапханасында «Бір ел –бір кітап» акциясы аясында «Ел қасиеті – ер қасиеті» деген тақырыпта Б.Момышұлының «Ұшқан ұя» повесіндегі кейіпкерлерден монолог жарысы болып өтті. Іс –шараға мектеп оқушылары, ата –аналар, оқырмандар қатысып отырды. 9 сынып оқушылары Әмитова Дильназ Бауыржанның әжесі Қызтумастың монологын, Оралбаев Қуандық әкесі Момыштың, Аманкелдіұлы Құрман атасы Имаштың, Құтпанбаева Мақпал әпкесі Үбіштің сөздерін жатқа айтып берді. Оқырмандарға жүргізуші Б.Момышұлының өмірбаянынан мағлұмат айтып, оқушы Нұрханова Шұғыла повестің мазмұнына тоқталып, үзінділер оқыды. Қатысушылар Б.Момышұлының өмірі мен шығармашылығына арналған кітап көрмесін тамашалады.
Бауыржан Момышұлының "Ұшқан ұя" повесі(1974) - халқымыздың XX ғасырдың басындағы аса құнды, қазақ руханиятының қазынасы. Мұнда он алтыншы жылдың дүрбелеңі мен күштеп ұжымдастыру кезіндегі тартыстар батыл айтылып, Кеңес өкіметі қалыптасуының алғашқы жылдары кеңінен қамтылған.
Бауыржан Момышұлы «Ұшқан ұяда» әлем тарихы, тірлік, өмір туралы алғашқы мағлұматтарды,аңыз-әңгімелерді әжесінен естігенін үлкен сүйіспеншілік сезімен есіне алған,сондай-ақ ненің жақсы , ненің жаман екенін, нені сүйіп, неден аулақ жүруді әжесінен үйренгенін мақтан етеді. Әкесі Момыш өз бетімен сауат ашқан, сол кездегі көзі қарақты адамдардың бірі болған. Ел арасында ағаш ұстасы және етікші, зергерлігімен танымал болатын. Бауыржан 3 жасқа келген соң анасы Рәзия қайтыс болады да, әжесі Қызтумастың қолында өседі.
Бауыржан Момышұлының шығармаларының құндылығы бүгінгі таңда баға жетпес мұра болып табылады. Себебі, жастарды, жаңа ұрпақты сергек және өз ісіне сенетін, кедергілерден қорықпайтын, оның қандайын болса да, жеңе білетін күрескерлік рухта тәрбиелеу – бүгінгі күннің басты талабы.
Бауыржан Момышұлының "Ұшқан ұя" повесі(1974) - халқымыздың XX ғасырдың басындағы аса құнды, қазақ руханиятының қазынасы. Мұнда он алтыншы жылдың дүрбелеңі мен күштеп ұжымдастыру кезіндегі тартыстар батыл айтылып, Кеңес өкіметі қалыптасуының алғашқы жылдары кеңінен қамтылған.
Бауыржан Момышұлы «Ұшқан ұяда» әлем тарихы, тірлік, өмір туралы алғашқы мағлұматтарды,аңыз-әңгімелерді әжесінен естігенін үлкен сүйіспеншілік сезімен есіне алған,сондай-ақ ненің жақсы , ненің жаман екенін, нені сүйіп, неден аулақ жүруді әжесінен үйренгенін мақтан етеді. Әкесі Момыш өз бетімен сауат ашқан, сол кездегі көзі қарақты адамдардың бірі болған. Ел арасында ағаш ұстасы және етікші, зергерлігімен танымал болатын. Бауыржан 3 жасқа келген соң анасы Рәзия қайтыс болады да, әжесі Қызтумастың қолында өседі.
Бауыржан Момышұлының шығармаларының құндылығы бүгінгі таңда баға жетпес мұра болып табылады. Себебі, жастарды, жаңа ұрпақты сергек және өз ісіне сенетін, кедергілерден қорықпайтын, оның қандайын болса да, жеңе білетін күрескерлік рухта тәрбиелеу – бүгінгі күннің басты талабы.
Пікір 1