Елде барлық үлгідегі тауардың сапасын бақылайтын арнайы комитет құрылуы мүмкін. Қазақстан халқына Жолдауында Елбасы Нұрсұлтан Назарбаев осы мәселені көтерді. Бұл алдымен адам капиталына зор әсерін тигізетінін атап өтті Президент.
Өткен жолы Қытайдан келген ойыншықтан бала денсаулығына қауіпті зат тауып алыпты. Бақылау қатаң болу керек. Тамақ өнімдеріне де солай, медициналық препараттарға да солай бақылау жүргізген дұрыс. Рас, біз кәсіпкерлікті қолдап отырмыз. Бірақ адам капиталына зиянын тигізбеу керек. Бақылаудың қажеттігі салынған жаңа тұрғын үйлердің мемлекеттік комиссия қабылдамай отырғанынан-ақ байқауға болады, – деді Н.Назарбаев.
Д.Қырдан.
