ҚЫЗЫЛОРДАДА «ДОПИНГ» ПРОФИЛАКТИКАЛЫҚ ШАРАСЫ БАСТАЛДЫ

Қаламызда есірткі құралдары мен психотроптық заттардың заңсыз айналымы саласындағы тіркелген қылмыстық құқық бұзушылықтарды анықтау мақсатында 24 қыркүйектен бастап «Допинг» жедел-профилактикалық іс-шарасы жүргізілуде.

Шараға Есірткі бизнесіне қарсы күрес, Криминалды полиция, Ұйымдасқан қылмысқа қарсы күрес басқармаларының және Жергілікті полиция қызметінің қызметкерлері жұмылдырылды.

Шара аясында есірткі құралдарының, психотроптық заттардың және прекурсорлардың заңды айналымы саласында шаруашылық ететін субъектілер тексеріліп, дәріханаларда, қоймаларда, емдеу-профилактикалық мекемелерде, өндіріс орындарында рейдтік шаралар ұйымдастырылады.

Қызылорда ОІІД баспасөз қызметі