Ақшаны жақсы төлеймін: Қарақат бала күтушісіне қандай талап қоятынын айтты

Өнерде жүрген әйел адамы үшін отбасын қатар алып жүрген қиын. Себебі гастрөлдік сапар мен әртүрлі түсірілімдер кезінде бала-шағаны сеніп тапсыратын адам қажет. Мына заманда ондай адамды табу да оңай емес. Қарақат Әбілдина балаларына екінші анасындай болып кеткен адамды қалай тапқанын айтып берді.

7-арнаның “Өз ойым” бағдарламасына қатысқан ол өмірлік тәжірибесімен бөлісті, деп жазады Stan.kz ақпараттық агенттігінің тілшісі.
“Ол кезде ғаламтор болған жоқ. Әрі ғаламтор арқылы бала күтушісін іздеген дұрыс емес деп ойлаймын. Әрине, бірінші кезекте таныс-туыстардың арасынан іздейсің. Туысың болмаса да, туысыңдай болып жақын адамыңа айналған адамдардың кеңесіне жүгіне отырып, солардың нұсқауымен таптым”, – деген Қарақат көп жылдардан бері балаларына қамқор болып келе жатқан Сәуле есімді көмекшісіне алғысын білдірді.
Өнер адамдарының жұмыс кестесі әркезде әртүрлі. Сондықтан да оларға тәуліктің кез келген уақытында баласына қарайласатын адам қажет. Талап – жеңіл емес. Есесіне ақысын да аямай төлеймін, дейді Қыдырәлі Болмановтың келіншегі.
“Ақшаны жақсы төлеймін. Нақты алатын қаламақысы өз алдына, оның сыртынан жасағым келетін дүние жетерлік. Өйткені мен оны шын көңілмен, ниетпен жасаймын. Ол маған мүлдем шектеу қоймайды, яғни осындай уақытқа дейін бола аламын немесе бола алмаймын деп. Өзінің жеке басының көп сылтауларын айтса, өнер адамдарына өте қиын. Адам болғаннан кейін өз жоспары бар, бірақ менің ыңғайыма қарайды. Мен кеткенде қалу керек пе, қалады. Студияда не болмаса басқа жұмыстар шығып қалған кезде еш уақытта: “Менің кетуім керек, қашан келесіз?” – деп айтпайды”, – деп түсіндірді Әбілдина.
Қазақстандық жұлдыздардың өмірі жайлы t.me/kzshow арнамыздан оқыңыздар.

stan.kz