Ninety one тобына Қытай мен Ресейдің көзі түсті
Атышулы Ninety one тобына биыл үш жыл толды. Осыған орай елімізде Q-pop бағытының негізін қалаған бестік Қазақстан аймақтарын аралап, концерт берді. Елордамыз Астанадан бастап, соңғысын Алматы қаласында өткізді.
91 мен Ерболат Беделхан аталған ән кешіне тыңғылықты дайындалған. Алғашқы жылдары көпшілік топқа қарсы шығып, олардың концерт өткізуіне тосқауыл қойса, биыл ондай жағдай қайталанбаған. Бұған топ жетекшісі де қуанышты.
«Q-pop» агрессия туғызатын зат емес, керісінше бейбітшілікке шақыру. Локалдық тұрғыда біздің бағыт ол глобол. Әлемге шығу.
Қатты қуандық. Келесі жылдары тура осылай болады деп ойлаймыз. Және де концертке көп адамдар келіп, сыймай қалған кездер болды”, – дейді Беделхан.
Айтпақшы, журналистерге сұхбат берген Беделхан топтағы жігіттердің бірі жақын арада отау құрады деген ақпаратты жоққа шығарды. Арадағы келісім бойынша, жігіттердің жақын арада отағасы атануға құқығы жоқ.
Тағы бір атап өтетін жайт, жастардың сүйіктісіне айналған 91 тобы алдағы уақытта шетел сахналарын бағындырмақ. 91-ге Ресей мен Қытайдың көзі түсіп үлгерген көрінеді.
“Қытай мемлекеті бірнеше ұсыныстар жасап жатыр. Жұмыс жүргізіп жатырмыз. Ресей мемлекетімен кішкене жұмыс жасадық. Оның жалғасы табылады деп ойлаймын. Жақсы бір нәтиже берді. Қазақ тілімізді сол жаққа жеткіздік. Қаншалықты әсем екенін көрсеттік. МуЗ-ТВ бастығы Арман Дәулетияровпен таныстық. Ол кісі де Ресейге шақырып жатыр”, – дейді Беделхан.
Еске сала кетейік, күні кеше Мәдина Сәдуақасова 91 тобын қолдап, шоу-бизнестің Ninety one-нан басталатынын айтқан еді.
Қазақстандық жұлдыздардың өмірі жайлы t.me/kzshow арнамыздан оқыңыздар.
Stan.kz
