Қазақстанның бес облысында күн суытады

Еліміздің басым бөлігінде күн суытады. Мамандар бес облысқа ескерту жариялады, деп хабарлайды Stan.kz.
Қазгидрометтің мәліметінше, еліміздің солтүстік бөлігінде 15-20 м/с жылдамдықпен жел соғып, екпіні 25 м/с дейін жетеді. Кей жерлерде найзағай ойнап, түнде және таңертең тұман түседі деп болжанды.
31 тамыз күні Петропавлда осындай жылдамдықта жел соғады. 1-2 қыркүйекте түнде Ақмола, Қостанай, Солтүстік Қазақстан, Павлодар облыстарында ауа температурасы 3°С дейін төмендейді.
2-3 қыркүйекте түнде Қарағанды облысында, 3 қыркүйек күні түнде Шығыс Қазақстан облысының кей жерлерінде 3 градусқа дейін ауа температурасы төмендейді.
Астанада 1-2 қыркүйек күндері түнгі уақытта топырақ беті 2 градусқа дейін тоңазиды.