Мемлекеттік грант бойынша оқу шығындары өндірілді

Қармақшы аудандық сотында «Қаржы орталығы» АҚ-ның жауапкер Б.-дан білім гранты бойынша оқу үшін қарыз сомасын өндіріп алу туралы азаматтық іс қаралды.

Талап қоюшы талап арызында, жауапкер және ЖОО араларында мемлекеттік білім несиесін ұсыну туралы үш жақты келісім жасақталғанын, оқыту кезінде «Қаржы орталығы» АҚ жоғары оқу орнына оқу шығындары үшін қаржы аударып отырғанын көрсеткен.

ЖОО бұйрығының көшірмесіне сәйкес, жауапкер оқуын аяқтаған және оның білім алуы бойынша шығынын өтеу есебіне, ЖОО есептік шотына республикалық бюджеттен 323 200 теңге аударылған.

Келісім шарт бойынша қарыз алушы білім алуға төленген ақша қаражатын он бес жыл ішінде төлеуі тиіс. Алайда, жауапкер өз міндетін орындамаған.

Сот шешімімен «Қаржы орталығы» АҚ-ның мемлекеттік білім беру несиесі бойынша қарыз сомманы өндіру туралы талап арызы ішінара қанағаттандырылды.

Шешім заңды күшіне енген жоқ.