Төртінші өнеркәсіптік революция жағдайындағы адами капитал

«Төртінші өнеркәсіптік революция жағдайындағы адами капитал» тақырыбында аудандағы тәрбие меңгерушілерінің, ата-аналар комитетінің, сынып жетекшілер бірлестігінің секция жұмысы ұйымдастырылды. Үздіксіз тәрбие беру жүйесіндегі тәрбие орынбасарларының білімділік, танымдық және тәрбиелік ролін күшейту, жас ұрпақты тәрбиелеу проблемаларына көңіл бөлуді күшейту, Қазақстан Республикасында балалар мен жастарға тәрбие беру міндеттерін шешудегі тәрбие үдерістеріне барлық субъектілердің іс-қимылдарын келістіру мақсатындағы тәрбие ісі жөніндегі орынбасарлардың секциясы өткен оқу жылына талдау жасалып, секцияда алдағы 2018-2020 жылдарға арналған Тәрбиенің тұжырымдамалық негіздерін іске асыру бағытындағы білім беру ұйымдарындағы тәрбие жұмысының бағдарламалық іс шаралар жоспары талқыланды. Ата-аналар секциясы ата-аналар қауымдастығының жұмысын жетілдіру, ата-ана комитеттерінің ролін жандандыруда бірлесе жұмыс жасау мақсатында, сынып жетекшілер секциясы тұлғаның Қазақстанның азаматы және патриоты ретінде рухани-адамгершілік қалыптасуына көңіл бөле отырып, барлық оқу процесінің тәрбиелік құрамдасын күшейту, бала тәрбиесіндегі сынып жетекшісінің ролі мен маңызын күшейту мақсатында өтті. Жас ұрпақтың өзінің рухани - адамгершілік, инттеллектуалдық, өмірі мен өз денсаулықтары мен аман-есендігі үшін әлеуметтік құзыреттілік пен жауапкершілігін көтеруді ұйымдастыруға бірлесе жұмыс жасау керектігі айтылды.