«ТУҒАН ӨЛКЕ ТАРИХЫ» – ТАРИХИ ТАНЫМҒА БАСТАР ЖОЛ
«Туған өлке тарихы» музейлік жобасы аясында музейде мектеп оқушыларына арналған танымдық экскурсия ұйымдастырылды.
Экскурсияның негізгі мақсаты – жас ұрпақтың туған өлке тарихына деген қызығушылығын арттыру, тарихи-мәдени мұраларды кеңінен таныстыру және ұлттық құндылықтарды құрметтеуге тәрбиелеу.
Экскурсия барысында оқушылар музей экспозицияларымен танысып, өңірдің өткені мен бүгінінен сыр шертетін тарихи жәдігерлер туралы тың мәліметтер алды. Музей қызметкерлері әрбір экспонаттың тарихи маңызына тоқталып, туған өлкенің бай тарихы мен мәдени мұрасы жөнінде мазмұнды ақпарат берді.
Оқушылар экскурсия барысында белсенділік танытып, тарихи жәдігерлерге ерекше қызығушылық білдірді. Сонымен қатар өздерін қызықтырған сұрақтарын қойып, өлке тарихына қатысты білімдерін толықтырды.
Осындай танымдық іс-шаралар өскелең ұрпақтың тарихи санасын қалыптастыруға, туған жерге деген сүйіспеншілігін арттыруға және ұлттық мұраны қастерлеуге ықпал етеді.
