Құрметті облыс тұрғындары!
Қоғамдық тәртіп пен тазалықты сақтау – баршамызға ортақ міндет. Ортақ мүлікке ұқыпты қарап, көшелерді, аулаларды, саябақтарды таза ұстауға жауаптымыз.
Бөтеннің мүлкін әдейі бүлдіру немесе сындыру, қоғамдық орындарды ластау, қоқысты белгіленбеген жерге тастау, сондай-ақ тарихи-мәдени және табиғи нысандарды бүлдіру – заң бұзушылық.
Мұндай әрекеттер үшін заң бойынша айыппұл, қоғамдық жұмысқа тарту, әкімшілік қамақ, ал кейбір жағдайларда қылмыстық жауаптылық қарастырылған.
Әсіресе, тарихи-мәдени ескерткіштерге жазу, сурет салу немесе оларды бүлдіру – вандализм болып саналады және қылмыстық жауаптылыққа әкеп соғады.
Қоғамдық тәртіпті сақтау – тек полицияның міндеті емес. Бұл – әр азаматтың жауапкершілігі.
Сондай-ақ құқық бұзушылықтардың алдын алу мақсатында заңда белгіленген жағдайларда құқық бұзушының бейнесі бұқаралық ақпарат құралдарында және онлайн-платформаларда жарияланатындығын ескертеміз.
Баршаңызды заңды сақтауға, қоғамдық орындарға ұқыпты қарауға және өз іс-әрекетімізге жауапкершілікпен қарауға шақырамыз.
