Зейнетақы қорынан үй алуға алынған ақша депозитте қала ма?
Бұған дейін зейнетақы қорынан тұрғын үй жағдайын жақсарту үшін алынған ақшаны 6 жыл ішінде баспана алуға немесе ипотека рәсімдеуге пайдалану керек болатын. Егер осы уақыт ішінде ипотека рәсімделмесе, қаражатты қорға қайтару қажет еді. Енді бұл талап өзгерді.
«6 жыл өтіп кетсе де, ақшаңызды зейнетақы қорына қайтарудың қажеті жоқ. Қаражат «Отбасы банктегі» депозитте қала береді. Оны кейін тұрғын үй мәселесін шешуге пайдалануға болады», делінген банк хабарламасында.
Осыған дейін «Отбасы банк» депозиттерге берілетін мемлекеттік сыйлықақыны есептеу тәртібі өзгеруі мүмкін екенін де хабарлаған еді. Банк басқарма төрағасы Ләззат Ибрагимованың айтуынша, мемлекеттік сыйлықақыны төлеудің жаңа тетіктері қарастырылып жатыр.
