ТҰРҒЫНДАРДЫҢ ӨТІНІШТЕРІ – БАСТЫ БАҚЫЛАУДА
Аудан әкімдігінің мәжіліс залында аудан әкімінің міндетін атқарушы Диас Молдабаев аудан тұрғындарына кезекті жеке қабылдау өткізді.
Қабылдауға аудан орталығы мен елді мекендерден келген азаматтар қатысып, тұрғын үймен қамту, тұрақты жұмысқа орналасу, әлеуметтік қолдау және басқа да өздерінің мәселелерін жеткізді.
Әрбір өтініш мұқият тыңдалып, азаматтарға көтерілген мәселелер бойынша қолданыстағы заңнама аясында тиісті түсініктемелер берілді. Жұмыс іздеп жүрген тұрғындарға жұмыспен қамту бағыты, оның ішінде қоғамдық жұмыстарға қатысу мүмкіндіктері жөнінде толық ақпарат ұсынылды.
Диас Асылбекұлы жауапты сала басшыларына тұрғындардың өтініштерін толыққанды зерделеп, заң аясында шешу жолдарын қарастыру жөнінде бірқатар тапсырмалар берді.
Қармақшы ауданы әкімінің баспасөз қызметі
