Жастармен тағылымды кездесу
12 тамыз – Халықаралық жастар күніне байланысты Жаңажол ауылына Қызылорда қаласынан бір топ жастар мен оқушылар қонақ болып, ауылдың тыныс-тіршілігімен танысты.
Қонақтарға ауылдың көрікті жерлері, егістік алқаптары мен өлкетану музейі көрсетіліп, ауыл тұрғындарының еңбегі мен күнделікті тіршілігі таныстырылды.
Жастар дала қосына барып, ақ дастарханнан түрлі дәмнен ауыз тиіп, ауылдың берекелі тіршілігіне куә болды.
Шаруашылық басшысы Орынбасар Өтепұлы жастарды өзі бастап барып, күріш алқаптары мен күріш ақтау зауытының жұмысымен таныстырды.
Ауылдың тыныс-тіршілігімен танысып, еңбек адамдарының маңдай терін көрген қонақтарымыз ерекше әсер алып, ризашылықтарын білдірді.
Осындай тағылымды кездесулер – жастардың туған жерге деген сүйіспеншілігін арттырып, ауыл еңбегін бағалауға үлкен мүмкіндік береді.
