«QADAM KERUEN» акциясы өткізілді
Қармақшы аудандық Жастар ресурстық орталығының ұйымдастыруымен 12 тамыз – Халықаралық жастар күніне орай орталық алаңда «QADAM KERUEN» акциясы өткізілді.
Акцияның басты мақсаты – жастарға қажетті мемлекеттік және әлеуметтік қызметтер туралы ақпаратты бір алаңда ұсыну, олардың өзекті мәселелеріне бағыт-бағдар беру және пайдалы мүмкіндіктермен таныстыру.
Акция барысында жастарға бірнеше сала бойынша кеңес беріліп, ақпараттық түсіндіру жұмыстары жүргізілді:
Ауыл шаруашылығы бөлімі – «Дипломмен ауылға» бағдарламасы бойынша ақпарат берді.
«Отбасы банк» – тұрғын үй бағдарламалары мен мүмкіндіктері туралы түсіндірді.
Әлеуметтік қорғау саласының мамандары – әлеуметтік төлемдер мен мемлекеттік қолдау шаралары бойынша кеңес берді.
Аудандық полиция бөлімі – құқықтық сауаттылық пен қауіпсіздік мәселелері жөнінде ақпарат ұсынды.
Аудандық емхана – жастарға медициналық қызметтер, профилактикалық тексерулер және салауатты өмір салты бойынша ақпарат берді.
Төтенше жағдайлар бөлімі – қауіпсіздік ережелері мен төтенше жағдайлардың алдын алу бойынша түсіндіру жұмыстарын жүргізді.
«QADAM KERUEN» – жастарға қажетті ақпарат пен мүмкіндіктерді бір жерге тоғыстырған пайдалы акция болды!
Жастарға қолдау көрсету – жарқын болашаққа жасалған қадам!
