Оңтүстікте ыстық, шығыста жаңбыр: 7 тамыз күнгі ауа райы болжамы
«Қазгидромет» 7 тамыз күнгі ауа райы болжамын жариялады. Кең ауқымды антициклонның әсерінен еліміздің басым бөлігінде күн райы жауын-шашынсыз болады, деп хабарлайды Egemen.kz.
Шығыста, оңтүстік және оңтүстік-шығыстың таулы аудандарында атмосфералық фронтальды бөліктердің өтуіне байланысты найзағай ойнап, жаңбыр жауады.
Шығыста қатты жаңбыр, жекелеген аудандарда бұршақ жаууы мүмкін.
Ел бойынша жел күшейіп, оңтүстікте шаңды дауыл, батыста және солтүстікте түнде және таңертең тұман болады.
Күндіз Алматы, Батыс Қазақстан, Атырау, Ақтөбе, Жетісу және Ұлытау облыстарында 35-38 градус қатты ыстық болады.
Ал Маңғыстау облысында 38-40 градус ыстық болып, Түркістан мен Қызылорда облыстарында ауа температурасы 40 градусты көрсетеді.
