КОНСТИТУЦИЯ – МЕМЛЕКЕТТІК ҚЫЗМЕТТІ ЖАҢҒЫРТУДЫҢ ҚҰҚЫҚТЫҚ ЖҮЙЕСІ

Аудан әкімінің тапсырмасына сәйкес аудан әкімдігінің мәжіліс залында аудан әкімі аппаратының басшысы Ермек Сәтбайұлының төрағалығымен жиын өтті.

Күн тәртібінде 2026 жылғы 1 шілдеден бастап күшіне енген Қазақстан Республикасының жаңа Конституциясын түсіндіру және 2026 жылғы 1 шілдеден бастап қолданысқа енгізілген «Қазақстан Республикасының мемлекеттік қызметі туралы» жаңа Заңның негізгі ережелерін түсіндіру мәселелері қаралды.

Жиынға аудан әкімдігіне қарасты дербес бөлімдердің басшылары, онлайн форматта кент және ауылдық округ әкімдері, сондай-ақ мемлекеттік қызметшілер қатысты.

Жиын барысында қатысушыларға жаңа заңнамалық нормалар мен енгізілген өзгерістер жан-жақты түсіндіріліп, олардың құқықтық және практикалық маңызы кеңінен баяндалды. Сонымен қатар, мемлекеттік қызмет саласындағы жаңа талаптар мен қағидаттарды тиімді іске асыру бағытында тиісті түсіндірме жұмыстары жүргізілді.