БҮЛДІРШІНДЕРГЕ КӨТЕРІҢКІ КӨҢІЛ-КҮЙ СЫЙЛАНДЫ
Аудан әкімінің тапсырмасына сәйкес мектеп жанындағы жазғы тынығу лагерьлерінде балалардың бос уақытын тиімді ұйымдастыру мақсатында аудандық мәдениет үйі жанындағы халық театрының қатысуымен театрландырылған қойылымдар ұйымдастырылуда.
Осыған орай бүгін Сүлеймен Есқараев атындағы №27 орта мектебінің балалар назарына «Тентек теке» ертегісі бойынша сахналанған қойылым ұсынылды.
Қызықты қойылым барысында бүлдіршіндер көтеріңкі көңіл-күйге бөленді. Сондай-ақ кейіпкерлермен бірге тағылымды кеште ерекше әсер сыйланды.
Айта кетсек жазғы демалыс уақытында балалардың рухани-мәдени дамуына жағдай жасау мақсатында ұйымдастырылған қойылым алдағы бір апта бойы аудан мектептеріндегі жазғы лагерьлерінде жалғасатын болады.
Қармақшы ауданы әкімінің баспасөз қызметі
