АТҚАРУШЫ ХАТШЫНЫҢ ҚАБЫЛДАУЫ: ӘР МӘСЕЛЕ – НАЗАРДА
Бүгін "AMANAT" партиясы Байқоңыр филиалының Атқарушы хатшысы Мақсат Есбенбетов тұрғындарды жеке қабылдады.
Қабылдауға келген азаматтар өздерін толғандырған бірқатар маңызды мәселелерді көтерді. Кездесу барысында тұрғындар тарапынан әлеуметтік қолдау, тұрғын үймен қамтамасыз ету, жұмыспен қамту сияқты өзекті тақырыптар қозғалды.
Әрбір өтініш мұқият қаралып, заң аясында тиісті түсіндірмелер берілді. Сонымен қатар, жекелеген мәселелер бойынша жауапты мемлекеттік органдармен бірлесіп жұмыс жүргізу қажеттігі айтылып, олардың орындалуы бақылауда болатыны жеткізілді.
Азаматтардың өтініштеріне жедел әрекет ету және нақты шешімдер қабылдау – алдағы жұмыстардың басты басымдығы болып қала береді.
