АУДАНДЫҚ МӘСЛИХАТ ДЕПУТАТТАРЫ ЖАСТАРМЕН КЕЗДЕСУ ӨТКІЗДІ
С.А.Джиенкулов атындағы Байқоңыр жоғары колледжінде аудандық мәслихат депутаттары Еркін Рзалиев пен Ш.Дауленбаева "Жастар" БПҰ-ның мүшелерімен кездесу өткізді.
Кездесу барысында жас буынның өзекті мәселелері, ұсыныс-пікірлері тыңдалып, ашық диалог алаңы қалыптасты. Жастар тарапынан білім алу, жұмысқа орналасу, кәсіпкерлік және қоғамдық белсенділік бағыттары бойынша маңызды сұрақтар көтерілді.
Сонымен қатар, "AMANAT" партиясы тарапынан жастарды қолдауға бағытталған мемлекеттік бағдарламалар мен жобалар кеңінен таныстырылды. Атап айтқанда, жастардың әлеуетін арттыру, олардың бастамаларын қолдау және қоғам өміріне белсенді араласуына жағдай жасау – басты басымдықтардың бірі екені атап өтілді.
Депутаттар жастардың ұсыныстары мен пікірлері әрдайым назарда болатынын жеткізіп, мұндай кездесулердің маңыздылығын ерекше атап өтті.
