"Жастар" жастарды қабылдады
ЖОСАЛЫ, 20 ақпан – qarmaqshy-tany.kz Академик С.Джиенкулов атындағы Байқоңыр колледжінде «Nur Otan» партиясы Байқоңыр филиалына қарасты «Жастар» бастауыш партия ұйымы «Ашық есік» күнін өткізді.
Ауызбіршілік пен ынтымақтастықты арттыру мақсатында алдымен психологиялық тренинг өткізілді. «Ашық есік» күні барысында «Жастар» бастауыш партия ұйымының төрағасы А.Маханов, облыстық мәслихат депутаты А.Дауленбаев, аудандық мәслихат депутаты Е.Рзалиев және «Қармақшы ауданы әкімдігінің Байқоңыр қаласы бойынша жұмыспен қамту орталығы» коммуналдық мемлекеттік мекемесінің директоры Ш.Суйеумбетов қабылдау өткізді.
Қабылдауға келген жастар тұрғын үй, тұрақты жұмысқа орналасу және кәсіпкерлік бағыттары бойынша сұрақтар қойып, өз ұсыныстарын жеткізіп, өтініштері мұқият тыңдалып, шешілу жолдары бойынша ҚР заңнамаларына сәйкес толық мағлұмат ала алды.
