КЕЗЕКТІ ТҮНГІ РЕЙД ЖҰМЫСТАРЫ ЖҮРГІЗІЛДІ
Қармақшы ауданында құқықтық тәртіпті қамтамасыз ету, жасөспірімдер арасындағы құқықбұзушылықтың алдын алу және олардың қауіпсіздігін сақтау мақсатында кезекті түнгі рейд ұйымдастырылды.
«Заң мен тәртіп» аясында жүргізілген рейд жұмыстарына аудан әкімдігі, аудандық полиция бөлімі, прокуратура, аудандық білім бөлімі және мекеме басшылары қатысты.
Іс-шара барысында саябақтар, аллеялар, дүкендер, компьютерлік клубтар және ойын-сауық орындары бақылауға алынып, кәмелетке толмаған жасөспірімдерге және олардың ата-аналарына түсіндірме жұмыстары жүргізілді.
Айта кетсек, кәмелетке толмағандардың түнгі уақытта, яғни сағат 22:00-ден таңғы 06:00-ге дейін заңды өкілдерінің еріп жүруінсіз ойын-сауық мекемелерінде болуы, олардың заңды өкілдеріне үш айлық есептік көрсеткіш мөлшерінде айыппұл салуға әкеп соғады.
Қармақшы ауданы әкімінің баспасөз қызметі
