ҚАСИЕТТІ ОРЫНДАР - ХАЛЫҚ ҚАЗЫНАСЫ

18 сәуір - Халықаралық ескерткіштер мен тарихи орындарды қорғау күні аясында аудандық музейде мектеп оқушыларына “Қасиетті орындар - халық қазынасы” атты тақырыптық танымдық сағат өткізілді.

Сабақ барысында өлкеміздегі тарихи және мәдени ескерткіштер, оларға жүргізіліп жатқан археологиялық зерттеу жұмыстары, музей қорындағы археологиялық заттар туралы мағлұматтар айтылып, тарихи құндылықтарымыз насихатталды.

Сондай-ақ танымдық сабақ соңында аудан аумағында орналасқан тарихи ескерткіштер жайында фотокөрме таныстырылды.