АТҚАРУШЫ ХАТШЫ ТҰРҒЫНДАРДЫҢ ӨТІНІШ-ТІЛЕКТЕРІН ТЫҢДАДЫ

Бүгін «AMANAT» партиясы Байқоңыр филиалының Атқарушы хатшысы Мақсат Есбенбетов азаматтарды жеке мәселелері бойынша қабылдап, тұрғындардың өтініштері мен ұсыныстарын тыңдады.

Қабылдауға келген әрбір азаматтың мәселесіне ерекше мән беріліп, оларды заң аясында шешу жолдары жан-жақты қарастырылды. Қабылдау барысында әлеуметтік көмек, тұрғын үймен қамтамасыз ету, жұмыспен қамту, сондай-ақ өзге де өзекті тұрмыстық мәселелер көтерілді.

Атқарушы хатшы М.Есбенбетов көтерілген мәселелер кезең-кезеңімен заң талаптарына сәйкес шешімін табатынын атап өтті.

Әрбір тұрғынның өтініші «AMANAT» партиясы Байқоңыр филиалының бақылауына алынды.