АТҚАРУШЫ ХАТШЫ ТҰРҒЫНДАРДЫҢ ӨТІНІШТЕРІН ТЫҢДАДЫ

Бүгін "AMANAT" партиясы Байқоңыр филиалының Атқарушы хатшысы Мақсат Есбенбетов партия филиалының әлеуметтік желідегі ресми парақшасы арқылы қоғамдық қабылдауға жазылған Байқоңыр қаласы мен Ақай ауылдық округінің тұрғындарын қабылдады.

Қоғамдық қабылдауға жазылған тұрғындар медициналық қызмет көрсету, атаулы әлеуметтік көмек алу және жұмыспен қамту мәселелері бойынша өтініштерін білдірді.

Қабылдау барысында әрбір өтініштің мән-жайы толық анықталып, тұрғындарға заң аясында түсіндірмелер берілді.

Сонымен бірге, қабылдаудан кейін тұрғындардың өтініштері оңтайлы шешілуі үшін ұсынымдар дайындалып, тиісті мекемелерге жолданды.

Тұрғындардың өтініштері "AMANAT" партиясы Байқоңыр филиалының бақылауына алынды.