АТҚАРУШЫ ХАТШЫ ТҰРҒЫНДАРДЫҢ ӨТІНІШТЕРІН ТЫҢДАДЫ

Бүгін "AMANAT" партиясы Байқоңыр филиалының Атқарушы хатшысы Мақсат Есбенбетов партия филиалының әлеуметтік желідегі ресми парақшасы арқылы қоғамдық қабылдауға жазылған қала мен Төретам кентінің тұрғындарын қабылдады.

Алғашқы болып қоғамдық қабылдауға жазылған Төретам кентінің тұрғыны жұмысқа орналасуға көмек көрсетуді сұрады.

Келесі кезекте қоғамдық қабылдауға кірген Байқоңыр қаласының тұрғыны пәтер алу мәселесі бойынша өтінішін білдірді.

Тұрғындардың өтініштері жан-жақты зерделеніп, тиісті ұйымдар мен мекемелерге жолданды.

Қоғамдық қабылдау барысында тұрғындар тарапынан айтылған өтініштердің оңтайлы шешілуі партия филиалының бақылауына алынды.