БАЛАЛАР ҮШІН ҚАУІПСІЗ ЖӘНЕ ЖАЙЛЫ ОРТА - БАСТЫ БАСЫМДЫҚ!
Бүгін «AMANAT» партиясы Байқоңыр филиалының партиялық бақылау комиссиясының отырысы өтті.
Отырыстың күн тәртібінде мектепке дейінгі білім беру ұйымдарының тұрмыстық және санитарлық жағдайы егжей-тегжейлі қаралды.
Жиын барысында комиссия мүшелері мектепке дейінгі ұйымдары ғимараттарының тазалығы, балалардың қауіпсіздігіне арналған жағдайлар, санитарлық нормалардың сақталуы, сондай-ақ қызметкерлердің кәсіби дайындығы мен балаларға деген көңіл бөлу деңгейіне басты назар аударды.
Сондай-ақ, күн тәртібіндегі мәселеге байланысты аудандық білім бөлімінің білім беруді дамыту секторының меңгерушісі Жадыра Алданованың хабарламасы тыңдалды.
Отырысты қорытындылай келе, комиссия төрағасы Сейл Жұмадьяров балалар үшін қауіпсіз және жайлы орта қалыптастыру – басты міндет екендігін атап өтті.
