“Заң мен Тәртіп” қағидаты аясында, түсіндірме жұмыстары жүргізілді

Қармақшы ауданы полиция бөлім бастығының орынбасары полиция майоры Абдугаппаров Дулатбек Жалғасбекұлы, Қармақшы ауданы, Жосалы кентінде орналасқан №121 қазақ орта мектебінің оқушыларымен және олардың ата-аналарымен кездесті.

Оқушылармен ата-аналарға Қазақстан Республикасы Ішкі істер министрлігінің жоғары оқу орындары М.Есболатов атындағы Алматы академиясы, Б.Бейсенов атындағы Қарағанды академиясы, М.Бөкенбаев атындағы Ақтөбе заң институты және Ш.Қабылбаев атындағы Қостанай академияларына білім алуға шақырды. Кездесу барысында оқушыларға Қазақстан Республикасы Ішкі істер министрлігінің Жоғары оқу орындарына түсу шарттары мен талаптары түсіндірілді.

Кездесу барысында, жасөспірімдер арасында нашақорлықтың алдын алу бойынша оқушыларға бейнежазба көрсетіп, түсіндірме жұмыстары жүргізілді.

Сонымен қатар, қазіргі таңда елімізде кеңінен тараған интернет алаяқтықтың, жасөспірімдер арасында топтық төбелестің, буллинг және кибербуллингтің алдын алу бойынша бейнежазба көрсетіліп, түсіндірме жұмыстары жүргізілді.