qarmaqshy-tany.kz Ағымдағы жылдың 9 ақпан күні Қызылорда облысы Қармақшы ауданы Жосалы кентіндегі Жосалы станциясындағы желілік полиция бөлімше қызметкерлері кент орталығындағы №27 орта мектебінің 11 сынып оқушыларымен кездесу өткізіп, мектептің тәрбие ісі жөніндегі орынбасарының қатысуымен ҚР ІІМ Б.Бейсенов атындағы Қарағанды қаласындағы академиясына, ҚР ІІМ М. Есболатов атындағы Алматы қаласындағы академиясына тыңдаушылар қатарына шақыру бойынша үгіт - насихат жұмыстарын жүргізді. Кездесудің негізгі мақсаты - бітіруші мектеп оқушыларына мамандық таңдауда көлік полицейі деген абыройлы мамандық жөнінде, еліміздегі ішкі істер органдары қызметкерлерін дайындаушы жоғары және арнайы оқу орындары жайлы және Академия жайлы, ондағы тыңдаушыларға қойылатын талаптар туралы ақпараттар беру. Түсіндіру барысында оқушылар арасында осы мамандыққа байланысты көптеген сұрақтар туындап, әрқайсысы өздерін қызықтырған сұрақтарына толыққанды жауап ала алды.