ЖАСТАРҒА ЗАҢНАМАЛЫҚ ӨЗГЕРІСТЕР ТАНЫСТЫРЫЛДЫ
“Әділетті және Прогрессивті Қазақстанның Халықтық Конституциясы үшін!» атты Жалпыұлттық коалицияның Қармақшы аудандық өкілдері Әділ Қошалақов, Ғалымжан Ақжігітов, Нұрлан Бақтияров, Қуаныш Айдарбек және Нұржұман Пірназаров аудандағы ақпараттық-түсіндіру жұмыстары барысында жастармен кездесті.
Кездесу барысында жаңа Конституциялық өзгерістердің мәні мен маңызы жөнінде кеңінен түсіндірді және елдегі саяси жаңғыру үдерістері, азаматтардың құқықтары мен бостандықтарын қорғау, жастар саясатын дамыту және қоғамдық белсенділікті арттыру бағытындағы бастамалар сөз болды.
Жиын барысында «Бүгінгі өзгерістердің басты мақсаты – әділетті қоғам қалыптастыру, азаматтардың құқықтары мен бостандықтарын қорғауды күшейту. Бұл үдерісте жастардың белсенділігі ерекше маңызды. Себебі елдің ертеңі – білімді, саналы және белсенді жастардың қолында», – деп Әділ Қошалақов атап өтті.
Белсенді жастар өздерін толғандырған сұрақтарын қойып, ел дамуына қатысты ой-пікірлерін білдірді.
