ӘЛЕУМЕТТІК САЛА ӨКІЛДЕРІМЕН КЕЗДЕСУ
Қармақшы ауданында конституциялық реформаларды түсіндіру жұмыстары жалғасуда. «Әділетті және Прогрессивті Қазақстанның Халықтық Конституциясы үшін!» жалпыұлттық коалициясының аумақтық мүшелері әлеуметтік сала қызметкерлерімен кездесу өткізді.
Жиын барысында Ата Заңға енгізілетін өзгерістердің негізгі бағыттары кеңінен талқыланды. Атап айтқанда, құқықтық тұрақтылықты нығайту, азаматтардың құқықтары мен бостандықтарын қорғау тетіктерін жетілдіру, әлеуметтік кепілдіктерді күшейту мәселелері сөз болды. Кездесу ашық форматта өтіп, қатысушылар өз ұсыныс-пікірлерін білдірді.
Жиын соңында 2026 жылғы 15 наурызда өтетін республикалық референдумның маңызы атап өтіліп, әр азаматты ел болашағына бейжай қарамай, жауапты таңдау жасауға шақырды.
