АДИНА САУДА ҮЙІНДЕ ЭКСПРОМТ-КЕЗДЕСУ ӨТТІ
Қармақшы ауданы, Жосалы кентіндегі "Адина" сауда үйінде «Әділетті және Прогрессивті Қазақстанның Халықтық Конституциясы үшін» жалпыұлттық аудандық коалиция мүшелерінің қатысуымен ауданның белсенді әйелдерімен кездесу өтті.
Кездесуге аумақтық коалиция мүшелері Сәрсенкүл Есқалиева, Алпысбай Серкешбаев, Дәулет Қанатбай қатысып, сөз сөйледі.
Кездесу барысында Жаңа Конституция жобасындағы адам құқықтары мен бостандықтарының басымдығы, заң үстемдігі, әлеуметтік әділеттілік, гендерлік теңдік, ана мен баланы қорғау, отбасы институтын нығайту, азаматтардың шешім қабылдау процесіне қатысу мүмкіндігін кеңейту, жергілікті өзін-өзі басқаруды дамыту секілді негізгі қағидаттар кеңінен түсіндірілді.
Сонымен қатар жобада әйелдердің қоғамдағы рөлін арттыру, олардың еңбек етуіне, кәсіпкерлікпен айналысуына және қоғамдық-саяси өмірге белсенді қатысуына тең мүмкіндік беру мәселелері атап өтілді.
Аудандық коалиция мүшесі Сәрсенкүл Есқалиева қорытындылап, Жаңа Конституция жобасы — әділетті қоғам қалыптастырудың берік негізі екенін және түсіндіру жұмыстары алдағы уақытта да жалғасатынын жеткізді.
