ЭКСПРОМТ-КЕЗДЕСУ: КОАЛИЦИЯ МҮШЕЛЕРІ АТА ЗАҢ ЖОБАСЫН ТҮСІНДІРДІ
Бүгін «Әділетті және Прогрессивті Қазақстанның Халықтық Конституциясы үшін!» аумақтық коалиция мүшелері Төретам кентіндегі «Меруерт» сауда үйінде экспромт-кездесу өткізіп, жаңа Ата заң жобасының негізгі бағыттары мен басымдықтарын кеңінен түсіндірді.
Кездесу барысында тұрғындар Конституция жобасының мазмұны, оның қоғам дамуына ықпалы және әрбір азамат үшін маңызы туралы жан-жақты ақпарат алды.
Ашық диалог форматында өткен кездесуде тұрғындар өз сұрақтарын қойып, пікірлерін білдірді. Өз кезегінде коалиция мүшелері қойылған сауалдарға жауап беріп, тұрғындармен тиімді кері байланыс орнатты.
Алдағы уақытта да экспромт-кездесулер жалғасын тауып, тұрақты түрде жүргізіледі.
