Бүгін Қармақшы ауданында облыс әкімі Қ.Е. Көшебаев іс-сапармен болды. Іс сапар барысында аймақ басшысы Төретам кенті орталығындағы дене шынықтыру – сауықтыру кешенінің ашылуына қатысты. 2017 жылы сәуір айында басталған құрылыс нысанының бас мердігері «Интегрострой» ЖШС болып табылады. Спорт кешенінің пайдалануға берілуіне орай Төретам кенті ардагерлер кеңесінің төрағасы Арықов Нәдірбек кент тұрғындары атынан алғысын білдірді. Жаңа спорт кешені жас жеткіншектердің арманына қанат бітіріп, еліміздің абыройын асқақтатар даңқты спортшылар тәрбиелеуде мол септігін тигізетін болады.