"ҰЛТТЫҚ МҰРА" ПАРТИЯЛЫҚ ЖОБАСЫ АЯСЫНДА ҚОЛӨНЕР КӨРМЕСІ ҰЙЫМДАСТЫРЫЛДЫ

Бүгін "AMANAT" партиясы Байқоңыр филиалына қарасты "Ақай" бастауыш партия ұйымының ұйымдастыруымен "Ұлттық мұра" партиялық жобасы аясында қолөнер көрмесі өтті.

Іс-шараның мақсаты — жастарды ұлттық өнерге баулу, қазақ қолөнерінің сан қырлылығын көрсету және ұлт мұрасын сақтап, оны болашаққа жеткізу.

"Қолөнер – халқымыздың рухани байлығы, ұлттық болмысы мен шежіресінің айнасы. Осы орайда ұйымдастырылып отырған көрменің басты мақсаты - ұмыт бола бастаған ұлттық қолөнер түрлерін дәріптеу, шеберлердің еңбегін насихаттап, жас ұрпаққа аманат ету. Бұл шара арқылы жастарға ата-баба өнерін танытып, ұлттық мұраға деген қызығушылық пен құрмет қалыптастыру көзделіп отыр" – деді "Ақай" БПҰ жетекшісі Гүлмира Орынбаева.

Қазақ халқының ғасырлар бойы қалыптасқан қолөнері – ұлттық мәдениетіміздің баға жетпес байлығы. Ұлттық өнер – ұлттың жүрегі. Оны сақтау – бәріміздің ортақ борышымыз.Осындай көрмелер арқылы біз өткенді ұлықтап, келешекке бағыт аламыз.Ұлттық мұра – халқымыздың қазынасы. Оны сақтау – ұрпақ алдындағы қасиетті парыз.