Президент: Арал мәселесі халықаралық деңгейде талқыланады
Сыр өңірінде кеше Ұлттық Құрылтайдың кезекті отырысы өтті. Ел дамуының маңызды кезеңінде өткен бұл жиын қоғам мен билік арасындағы өзара сенімді нығайтып, ұлттық деңгейдегі басым міндеттерді айқындауға бағытталды.
Құрылтай – мемлекет дамуының стратегиялық бағытын талқылайтын, халықтың үнін ескеруге мүмкіндік беретін маңызды қоғамдық-саяси алаң екені тағы бір мәрте дәлелденді. Секциялық отырыста мемлекеттік басқарудың тиімділігін арттыру, өңірлердің әлеуметтік-экономикалық әлеуетін күшейту, азаматтардың өмір сүру сапасын жақсарту және ұзақ мерзімді тұрақты дамуды қамтамасыз ету мәселелері кеңінен қозғалды. Сонымен қатар, Сыр өңірінде көтерілген өзекті бастамалар мен ұсыныстар аясында қабылданатын заңнамалық өзгерістерге байланысты нақты түсіндірмелер беріліп, олардың іске асу тетіктері талқыланды.
Құрылтай барысында өңір өкілдері ұлттық деңгейде шешім қабылдауда жергілікті халықтың пікірін ескерудің маңыздылығына ерекше тоқталды. Президент «Су – еліміз үшін стратегиялық маңызды ресурс. Кіші Аралдың суының көлемін айтарлықтай көбейтуге мүмкіндік болады» деді.
