Биыл кімдердің жалақысы өседі?
2026 жылы Қазақстанда медицина қызметкерлерінің жалақысы көтеріледі. Бұл туралы денсаулық сақтау бірінші вице-министрі Тимур Сұлтанғазиев мәлімдеді, - деп хабарлайды Massaget.kz тілшісі.
Елде әлеуметтік қолдау шараларының арқасында дәрігер тапшылығы 19%-ға төмендеген.
"2026 жылдан бастап инфекциялық қызметтер мен жедел жәрдем қызметкерлерінің жалақысын арттыру қарастырылған. Сондай-ақ, дәрігерлерге жасалған зорлық-зомбылық үшін жауапкершілік күшейтіледі", - деді Тимур Сұлтанғазиев.
Еске салайық, бұған дейін Мәжіліс депутаты Асхат Аймағамбетов кейінгі жылдары медицина қызметкерлеріне шабуыл жасау бойынша 280 дерек тіркелгенін мәлімдеді.
