ТАЗА ҚАЗАҚСТАН – ТАЗА АЙМАҚ
Қармақшы ауданында Мемлекет басшысының тапсырмасына сәйкес, «Таза Қазақстан» экологиялық акциясы аясында қарқынды тазалық жұмыстары жүргізілді.
Қоғамда экологиялық мәдениетті қалыптастыру мақсатында ұйымдастырылған игі бастамаға барлық мекеме ұжымдары, еріктілер және тұрғындар да белсенділік танытты.
Акцияға қатысушылар бекітілген аумақтарда ретсіз өскен шөптерді жұлып, талдарды әктеу, ғимараттарды сырлау, аяқ су жүретін арық көздерін тазарту жұмыстарын жасады. Сонымен қатар тасталған қоқыстар тазаланып, арнайы техника арқылы белгіленген орындарға шығарылды.
«Тазалық жинаған жерде емес, сақталған жерде болады» сөзін ескере отырып, ауданның әрбір тұрғынын өз ауласының тазалығына көңіл бөліп, тазалық акциясының алдағы науқанына да белсенді атсалысуға шақырамыз!
Қармақшы ауданы әкімінің баспасөз хатшысы
