АУДАНДА ҚЫСҚЫ КЕЗЕҢГЕ ДАЙЫНДЫҚ «ҚЫС–2025» ЖАТТЫҒУЫ ӨТТІ

Аудан аумағында қысқы кезеңде туындауы ықтимал төтенше жағдайлардың алдын алуға бағытталған «Қыс–2025» облыстық командалық-штабтық оқу-жаттығуы өткізілді. Шараға аудан әкімінің орынбасары Самат Смағұлов қатысып, тиісті қызметтердің жұмыс барысын бақылап шықты.

Бұл оқу-жаттығу «Азаматтық қорғаудың мемлекеттік жүйесінің басқару органдары мен күштерін дайындау» тақырыбында ұйымдастырылып отыр. Осы орайда сала мамандары құтқару құрылымдарының басқару тетіктерін және төтенше жағдайлар туындаған жағдайда шешім қабылдау жылдамдығын арттыру секілді шараларын пысықтады.

Қыста орын алуы мүмкін дауылды ескертулерге, сондай-ақ тұрғындардың қауіпсіздігіне әсер ететін басқа да қолайсыз жағдайларға жедел ден қою мақсатында өткізілген жаттығуға 37 техника мен 110 қызметкер түрлі жағдайларға жауап беру бағытында практикалық дайындықтардан өтті.

Сондай-ақ «Қыс - 2025» облыстық оқу-жаттығуы ағымдағы жылдың 20-21 қараша айлары аралығында жалғасады.

Қармақшы ауданы әкімінің баспасөз қызметі