"AMANAT" ПАРТИЯСЫ БАЙҚОҢЫР ФИЛИАЛЫНЫҢ КОНФЕРЕНЦИЯСЫ ӨТКІЗІЛДІ
Бүгін "AMANAT" партиясы Байқоңыр филиалының кезектен тыс конференциясы өтті.
Конференция жұмысына "AMANAT" партиясы Байқоңыр филиалының төрағасы, фракция мүшесі Еркін Рзалиев, партия филиалының Атқарушы хатшысы Мақсат Есбенбетов, партия филиалы Саяси кеңесінің мүшелері, партия ардагерлері, аудандық мәслихаттағы "AMANAT" партиясы депутаттық фракциясының мүшелері, бастауыш партия ұйымдарының төрағалары мен мүшелері және партия белсенділері қатысты.
Конференцияның күн тәртібіндегі мәселелерге сәйкес партия филиалының атқарылған жұмыстары талқыланып, "AMANAT" партиясы Қызылорда облыстық филиалының кезектен тыс конференциясына делегаттар сайланды.
Жиын соңында партия белсендісі, №269 орта мектеп директоры Әсемкүл Есіркепова "AMANAT" партиясының "Белсенді қызметі үшін" төсбелгісімен және "Космос" БПҰ жетекшісі Гүлжазира Байтерекова "Құрмет грамотасымен" марапатталды.
Конференция жұмысын "AMANAT" партиясы Байқоңыр филиалының төрағасы, фракция мүшесі Еркін Рзалиев қорытындылады.
