Бүгінде жұрттың - бірі саудамен айналысса, енді бірі - халық түрлі қызмет көрсетіп нәпақасын табуда. Тұрақты жалақысы бар қызметте жүрген көптеген жанның көкейінде жүрген сауал – бейнетінің жемісі ертеңгі зейнетақы мәселесі.  
Зейнетақы жүйесі – әлеуметтік тақырып. Мұның төлемдеріне енген өзгеріс көпшіліктің көкейіндегі сұрақтың бірі. Осыған жауап беріп, тұрғындар арасында түсіндіру жұмысын жүргізу мақсатында «БЖЗК» АҚ облыстық филиалының мамандары Ихласбек Әлімбетов пен Қазыбек Жұманов кент әкімдігінің мәжіліс залында жиналыс өткізді. Жиында «Зейнетақымен қамтамасыз ету» заңнамасындағы өзгерістер мен жинақтаушы зейнетақы жүйесінің жай-күйі, сондай-ақ тұрғындарға ақпарат беру, оларды жинақтаушы зейнетақы жүйесіне тарту және қаржылық сауаттылығын арттыру жайы талқыланды.
Кездесуде  қатысушылар көкейкесті сауалдарына жауап алып, ұсыныс-пікірін ортаға салды. Сондай-ақ, сала мамандары зейнетақы заңнамасындағы өзгерісті қызметтегі азаматтар мен зейнеткерлерге түсіндіру маңызды екендігін тілге тиек етті.