Танымал отандық актер шаңырақ көтерді

Танымал қазақстандық актер Артур Төлепов өзінің жеке парақшасына қалыңдығымен түскен суретін салып, жұртты қуантып қойды деп хабарлайды NUR.KZ порталы.
Депутат Асылхан Төлеповтің бауыры, танымал актер Артур Төлепов Instagram парақшасында қалыңдығымен қол ұстасып тұрған суретін жария етті. Белгілі болғандай, Мадина есімді қалыңдық Артурдың тегіне өткен.
Желі қолданушылары Артурдың қалыңдығын көріп, жастарға бақыт пен мәңгілік махаббат тіледі.
"Бақытты болыңдар!", "Керемет жұп", "Алла сіздердің жұптарыңызды айырмасын", "Әлемдегі ең бақытты жас жұбайлар", "Қалыңдығыңыз айдай сұлу екен" деп жылы лебізін жолдады оқырмандар.