Ғибратты ғұмыр – жас ұрпаққа өнеге!

Қармақшы аудандық жұмыспен қамту және әлеуметтік бағдарламалар бөлімінің «Ардагерлерді ардақтайық» әлеуметтік жобасы аясында “Қызылорда облысының жастар одақтары” қоғамдық бірлестігі және Жастар ресурстық орталығының бірлесе ұйымдастыруымен Қармақшы ауданының ардагер ұстазы, ауданның Құрметті азаматы Қыпшақбаева Роза Әбдірашқызымен тағылымды кездесу өтті.

Кездесу барысында ардагер ұстаз отбасы құндылықтары, ұрпақ тәрбиесі, қазіргі қоғамдағы вандализмнің зияны мен білімнің адам өміріндегі басты рөлі туралы кеңінен ой қозғап, жастарға өнегелі ақыл-кеңестерін айтты.