40 градус ыстық: Бүгін ауа райы қандай болады
«Қазгидромет» РМК мамандары республикамыз бойынша 24 маусымға арналған ауа райы болжамын жариялады.
Республика аумағының басым бөлігінде циклон мен соған байланысты атмосфералық фронттың әсерінен жаңбыр жауып, найзағай ойнайды. Елдің батысында, оңтүстік-батысында және шығысында жаңбыр жауады, ал батыста, солтүстікте, шығыста және орталықта бұршақ жауып, екпінді жел тұрады. Республика бойынша желдің күшеюі күтіледі. Елдің солтүстігінде түнде және таңертең тұман болады.
Абай облысының орталығында, Павлодар облысының оңтүстік-шығысында, Ақмола облысының солтүстік-батысында, Жамбыл облысының оңтүстігі мен солтүстігінде, Батыс Қазақстан облысының батысында, оңтүстігінде және орталығында, Солтүстік Қазақстан облысының оңтүстігінде, Атырау облысының солтүстігінде, Маңғыстау облысының солтүстік-батысы, оңтүстігі мен шығысында, Шығыс Қазақстан облысының солтүстігінде өрт қаупінің жоғары деңгейі сақталады.
Алматы, Жамбыл, Қызылорда, Түркістан облыстарында, Қарағанды облысының батысы, шығысы және оңтүстігінде, Ұлытау облысында, Ақтөбе облысының батысы, оңтүстігі, шығысы мен орталығында, Атырау облысының орталығында, Маңғыстау облысының солтүстік-шығысы мен орталығында, Қостанай облысының солтүстігі мен оңтүстігінде, Жетісу облысының солтүстігі, шығысы және орталығында, Абай облысының батысы, солтүстік-батысы мен оңтүстігінде, Шығыс Қазақстан облысының оңтүстік-шығысында төтенше өрт қаупі күтіледі.
Күндіз Жамбыл облысында, Түркістан облысының батысы мен шөлді аймақтарында 40 градусқа дейінгі қатты ыстық болады. Алматы, Жетісу облыстарында және Абай облысының оңтүстігінде 35-38 градус қатты ыстық болады.
