ТАРИХҚА ТАҒЗЫМ - ҰРПАҚ ПАРЫЗЫ
Бүгін облыс әкімі Нұрлыбек Нәлібаев саяси қуғын-сүргін және ашаршылық құрбандарына арналған ескерткішке барып, жазықсыз жапа шеккендер рухына тағзым етті.
Шараға Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мархабат Жайымбетов, Мұрат Ергешбаев қатысты.
Тарихтағы ең ауыр кезеңдер – ашаршылық пен қуғын-сүргін жылдарының қасіреті ел жадынан ешқашан өшпейді.
Шара барысында ескерткішке гүл шоқтары қойылып, бір минут үнсіздік жарияланды. Зобалаң заманның зардабын тартқан боздақтар рухына Құран бағышталды.
@Қызылорда облысы әкімінің баспасөз қызметі
