Елімізде автосақтандыру ережесі өзгереді

Биылғы жылдың 7 сәуірінен бастап елімізде автосақтандыру жүйесінде маңызды өзгерістер енгізіледі. «Бонус-малус» полисінің бағасына  тек жол-көлік оқиғалары ғана емес, жол қозғалысы ережелерін бұзу фактілері де әсерін тигізеді, деп хабарлайды Egemen.kz.

Айта кетейік, егер жүргізуші жылдамдықты асырып, қарсы жолаққа шықса немесе апаттық жағдай тудырса, сақтандыру құны айтарлықтай қымбаттайды.

Сонымен қатар, жаңа ереже бойынша үш төменгі класс (A, M1, M2) енгізіледі, олардың коэффициенттері 3,5 есеге дейін артуы мүмкін. Жол апатына ұшырамаған және жол ережелерін сақтайтын жүргізушілердің сақтандыру полисі арзандайды.

Сонымен қатар 2025 жылдың 5 сәуірінен бастап мопедтерге де жаңа талаптар енгізіледі. А1 санатындағы мототехниканы басқару үшін мопедті тіркеу, жүргізуші куәлігі мен міндетті сақтандыру полисі (ОГПО) қажет болады.

Бұл жаңалықтар жүргізушілерге сақтандыру полисінің құнын қайта бағалауға және жол ережелерін ұқыпты сақтау қажеттілігін арттыруға мүмкіндік береді.