Қазақстанда алдағы күндері ауа райы қандай болады?
Қазгидромет 27, 28, 29 наурызға арналған ауа райы болжамын жариялады, - деп хабарлайды Tengrinews.kz тілшісі.
Алдағы күндері ауа райына Қазақстан аумағының басым бөлігін қамтитын антициклон әсер етеді. Сондықтан елдің оңтүстігінде, оңтүстік-шығысында жаңбыр мен қар түрінде жауын-шашын жауады. Кейбір өңірлерде тұман түсіп, жел күшейеді.
- Елдің батысында температура түнде 5 градус аяз-5 градус жылы, күндіз 10-18 градус жылы.
- Солтүстік-батыста түнде 0-10 градус аяз, күндіз 7-15 градус жылы болады.
- Солтүстікте температура түнде 0-10 градус аяз, күндіз 5-13 градус жылы болады.
- Елдің орталығында түнде температура 2-14 градус аяздан 7 градусқа дейін, күндіз 5-10 градустан 10-15 градусқа дейін көтеріледі.
- Шығыста түнгі температура 5-25-тен 0-15-ке дейін, күндіз 0-10-дан 5-15 градусқа дейін көтеріледі.
- Оңтүстік аймақтарда түнде температура 5 градус аяз-5 градус жылы, күндіз 5-13 градус жылы болады.
