Қазақстанда алдағы күндері ауа райы қандай болады?
"Қазгидромет" 18, 19 және 20 наурызға арналған ауа райы болжамын жариялады, - деп хабарлайды Tengrinews.kz тілшісі.
Болжамға сәйкес, республика аумағының басым бөлігі антициклон жотасының ықпалында болады, сондықтан жауын-шашынсыз ашық ауа райы күтіледі. Тек батыс, солтүстік-батыс және солтүстік өңірлерде циклон ойысының әсерінен жаңбыр мен қар түрінде жауын-шашын күтіледі, жел күшейіп, жолдарда көктайғақ болады. Қазақстан бойынша кей жерлерде тұман түседі.
"Елдің солтүстігінде түнде ауа температурасы -3°С-тан +5°С-қа дейін, күндіз +5°С-тан +16°С-қа дейін жылынады. Орталықта түнде -3°С-тан +5°С-қа дейін, күндіз +5°С-тан +20°С-қа дейін көтеріледі. Шығыста түнде -7°С-тан +5°С-қа дейін, күндіз +3°С-тан +16°С-қа дейін болады. Батыста түнде -5°С-тан +5°С-қа дейін төмендеп, күндіз +5°С-тан +18°С-қа дейін жылынады. Оңтүстікте және оңтүстік-шығыста түнде +5°С-тан +13°С-қа дейін, ал күндіз +22°С-тан +30°С-қа дейін көтеріледі", – делінген хабарламада.
