ҚАРМАҚШЫ АУДАНЫ ӘКІМІ АЗАМАТТАРДЫ ЖЕКЕ ҚАБЫЛДАДЫ

Аудан әкімі Жандос Еркінбек азаматтарды жеке мәселелері бойынша қабылдады. Алдымен аудан басшысы 8 наурыз – Халықаралық әйелдер күніне орай қабылдауға келген әйел-аналар мен аруларды құттықтап, гүл шоқтарын табыс етті.

Қабылдау барысында тұрғындар негізінен жұмыспен қамту және әлеуметтік мәселелер бойынша өтініштерін жеткізді.

Аудан әкімі әрбір азаматтың өтінішін мұқият тыңдап, заң аясында шешу үшін тиісті сала басшыларына нақты тапсырмалар жүктеді. Сонымен қатар, қабылдауға келген тұрғындарға мәселелердің мән-жайы түсіндіріліп, қажетті кеңестер берілді.